Sürücü qayda pozan avtomobilin güzgüsünü vurub keçdi - VİDEO

Paytaxtın mərkəzi küçələrindən birində sürücü qayda pozan avtomobilə maddi ziyan vurub.
Avtosfer.az-ın məlumatına görə, hadisə bir müddət əvvəl axşam saatlarında qeydə alınıb. Görüntüdən aydın olduğu kimi, hərəkətdə olan avtomobil eyni anda iki zolağı da zəbt edib. Belə ki, o, nişanlanma xəttinə məhəl qoymadan avtomobillərin hərəkətinə çətinlik yaradıb. Bu zaman “Mercedes” markalı maşının sürücüsü siqnal verərək ona bir zolaqda getməsini bildirib. Lakin sürücü qayda pozmağa davam edib. Belə olduqda “Mercedes”in sürücüsü avtomobilin güzgüsünü vuraraq keçib.
Qeyd edək ki, videonu sosial şəbəkədə paylaşan sürücü daha sonra avtomobili saxladığını bildirib. 

Nərmin