Sürücü qayda pozub törətdiyi əmələ haqq qazandırdı: “Özüm bilərəm” - VİDEO

Paytaxtın “Nərimanov” metrostansiyasının yaxınlığında qayda pozan sürücü görüntülənib.
Avtosfer.az-ın məlumatına görə, hadisə martın 14-ü saat 16:35 radələrində baş verib. Videodan göründüyü kimi, 77-PE-784 dövlət nömrə nişanlı “Khazar” markalı avtomobilin sürücüsü manevr qaydasını pozub. Belə ki, o, hərəkətdə olan avtomobilin zolağına keçməyə cəhd edib. Bu zaman sürücü siqnal verərək ona xəbərdarlıq edib və qayda pozan şəxs yenidən öz yoluna qayıdıb. Daha sonra sürücülər arasında kiçik mübahisə yaranıb. Təhlükəylə üzləşən sürücü ona “güzgü göstərmir? görünmür?” - deyə, sual verib. Qayda pozan sürücü isə “özüm bilərəm, dönmə işığını yandırmışdım” deyərək törətdiyi qayda pozuntusuna haqq qazandırıb. Bu zaman sürücü daha çox qəzəblənib. 
Qeyd edək ki, bəzi sürücülər dönmə işığını yandırdıqları zaman manevr qaydasını pozmadıqlarını düşünürlər. Lakin hər iki halda sürücülər qaydanı pozmuş olurlar. 

Nərmin