Sürücü qəza təhlükəsi yaradıb qarşı tərəfi borclu çıxardı - VİDEO

Abşeron rayonu Mehdiabad qəsəbəsində baş vermiş qayda pozuntusu sürücülərin mübahisəsiylə nəticələnib. Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Videodan göründüyü kimi, “VAZ” markalı avtomobilin sürücüsü manevr qaydasını pozub. Belə ki, o, hərəkətdə olduğu zolaqdan sağa keçərək soldan ötmə edib.

Bu zaman təhlükəylə üzləşən sürücü siqnal verib. Lakin qayda pozan sürücü ona əhəmiyyət vermədən yoluna davam edib. Daha sonra qəza riski yaşayan sürücü qayda pozan şəxsə iradını bildirib. “Qardaş, sən nə edirsən? Düzgün yolunu gəlib niyə qarşıma keçirsən?” deyə sürücü etiraz edib. Qayda pozan sürücü isə öncə qarşı tərəfi günahlandırmağa çalışsa da sonda heç nə demədən ərazidən uzaqlaşıb.

Qeyd edək ki, bu qayda pozuntusu İnzibati Xətalar Məcəlləsinin 327.1-ci maddəsinə əsasən, 40 manat cəriməylə nəticələnir.

Nərmin