Sürücülər televiziyanın girişini bağladı: Xaos yarandı - VİDEO

Bakıda dayanma-durma qaydasını pozan sürücülər yolda hərəkəti məhdudlaşdırıblar. Avtosfer.az xəbər verir ki, hadisə noyabrın 30-da, paytaxtın Tbilisi prospektində qeydə alıbıb.

Belə ki, 50-ER-327 qeydiyyat nişanlı "Opel" markalı, 10-DY-475, 99-XJ-454 qeydiyyat nişanlı və qarşıda dayan digər "Mercedes" markalı avtomobillərin sürücüləri ikinci cərgədə parklanma edərək sağ zolağı zəbt ediblər. Onlar MTV televiziyasının girişini kəsərək ora dönmək istəyən sürücüləri çıxılmaz vəziyyətə salıblar. Sağa dönmək istəyən sürücülər məcburi şəkildə avtobus zolağı ilə hərəkət etməli olub.

Qeyd edək ki, bu yolda hər gün sürücülər ikinci cərgədə dayanaraq hərəkəti məhdudlaşdırırlar və tıxaca yaradır.

Xatırladaq ki, bu qayda pozuntusuna görə, İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə nəzərdə tutulub.

Könül Rauf