Sürücülərə vacib xəbər: Bu halda cəriməniz silinməlidir

Sürücülərin ən çox şikayətləndikləri hallardan biri  cərimələrlə bağlıdır.

Bu dəfə təqdim etdiyimiz mövzu cərimə edilən sürücülərin bu hüququ ilə bağlıdır.

Sual: Qaydanı pozan sürücüyə cərimə haqqında bildiriş hansı müddətdə təqdim olunmalıdır?

Avtosfer.az xəbər verir  ki, İnzibati Xətalar Məcəlləsinin  38.6. maddəsində  qeyd  olunur  ki, bu Məcəllənin 122.1-ci maddəsində nəzərdə tutulmuş inzibati tənbeh vermə haqqında elektron qərar və onun əlavəsi (foto və ya video materiallar) inzibati xətanın törədildiyi gündən bir gün müddətində hər bir nəqliyyat vasitəsinin istifadəçisi üçün internet informasiya resursunda yaradılan elektron kabinetdə yerləşdirilmədikdə, şəxs inzibati məsuliyyətə cəlb oluna bilməz.

Bu bəndən belə aydın olur ki, siz qaydaları pozduğunuz  gün sizə cərimə olunmağınız barədə bildiriş gəlməyibsə,sonrakı vaxtlarda göndərilən cərim bildirişi etibarsız sayılır. 

Bəs,bu hallarla rastlaşan şəxslər nə etməlidir?

Sürücü bu kimi hallarla qarşılaşdığı hallarda Daxili İşlər Nazirliyinin Baş Dövlət Yol Polisi İdarəsinin   “902” telefon nömrəsinə, (+994 12) 342 32 82 şəhər telefonları vasitəsi ilə məlumat verə bilərlər.

Həmçinin,  vətəndaşlar müraciət, sual, şikayət və təkliflərini 050 996 91 97 nömrəsinə zəng edib bildirə, həm də  “Whatsapp” vasitəsilə mesaj şəklində göndərə bilər.(oxu24.com)