Sürücünün apardığı təkərlər yola dağıldı - TƏHLÜKƏLİ ANLAR - VİDEO

Bakıda sürcünün apardığı yük yola dağılıb. Avtosfer.az xəbər verir ki, hadisə fevralın 3-də, paytaxtın Heydər Əliyev prospektində baş verib. Belə ki, sürücü idarə etdiyi 99-RA-832 qeydiyyat nişanlı "VAZ" markalı avtomobilin damında apardığı təkərləri bərkitmədiyi üçün hərəkət zamanı onlar yola dağılıb. Nəticədə digər sürücülər qəza vəziyyəti ilə üzləşiblər.

"Yol hərəkəti haqqında" qanunun 57-ci maddəsində qeyd olunub ki, yükün düşməməsi, hərəkətə mane olmaması üçün sürücü hərəkətə başlamazdan əvvəl və hərəkət vaxtı yükün yerləşdirilməsinə, bağlanmasına və vəziyyətinə nəzarət etməlidir.

Bu xətanın törədilməsinə görə sürücünü 40 manat məbləğində cərimə gözləyir.

Fərid