Svetoforun işığını görməyən sürücüyə cərimə yazıldı - Qanunidirmi? - VİDEO

Bakıda svetoforun qırmızı işığını görməyən sürücü cərimələnib. O,  düşdüyü situasiya ilə bağlı redaksiyamızın qaynar xəttinə müraciət edib. Bildirir ki, Babək prospektində hərəkət edən zaman sağ zolaqda olan avtobus sürücüsü svetoforun önündə dayanıb. Həmin vaxt svetofor görünmədiyi üçün qırmızı işıqda keçib. Bu səbəbdən onun barəsində İnzibati Xətalar Məcəlləsinin müvafiq maddəsi ilə 3 bal və 80 manat məbləğində cərimə yazılıb.

Belə halların baş verməməsi üçün svetoforlar qanunla necə quraşdırılmalıdır?

Avtosfer.az xəbər verir ki, svetoforların quraşdırılmasının tələbləri ilə bağlı milli qanunvericilikdə normal standart yoxdur. Lakin bu o demək deyil ki, svetoforlar necə gəldi quraşdırılmalıdır. Nişanlar kimi svetoforlar da yol hərəkəti təşkilinin vacib elementlərindən biri hesab edilir. Bu səbəbdən svetoforların yerləşməsi, iş rejimi elə olmalıdır ki, sürücü lazımi məsafədən onu görə bilsin. Bunun isə sadə yolu ondan ibarətdir ki, ya yolun sağındakı svetoforun konsul dayağının quraşdırılması, ya da ki, həmin svetofor obyektinin yolun sol tərəfində təkrarlanması təmin edilməlidir.

Sürücü bu cür cəriməyə görə məhkəməyə müraciət edə bilər.

Fərid