Tələsən sürücü yolda “hoqqa” verdi - Sağ-sol edib təhlükə saçdı- VİDEO

Paytaxtda yüksək sürətlə qayda pozan avtobus sürücüsü görüntülənib.

Avtosfer.az xəbər verir ki, görüntülər bu gün Mərdəkan şossesində qeydə alınıb.

Belə ki, 99-JN-602 qeydiyyat nişanlı “Hyundai County” markalı avtobus sürücüsü öncə maksimal sürət 90 olan yolda ən sol zolaqda hərəkət edərək bir neçə avtomobili ötüb. Bu azmış kimi daha sonra ani manevrlərlə öncə ən sol zolağa, sonra isə əksinə, ən sağ zolağa keçib. Həmçinin görüntülərdə mikroavtobusda sərnişinlərin olduğu da aydın şəkildə əks olunub.

Xatırladaq ki, əksər yollarda avtobuslar üçün ən sağ zolaq nəzərdə tutulub. Sərnişin daşındığı üçün avtobuslar həm də daha aşağı sürətlə hərəkət etməlidir. Lakin sərnişin ilə dolu olan mikroavtobus onların və digər hərəkət iştirakçılarının həyatı üçün təhlükəyə səbəb olub.  Sürücünün aqresiv sürüşü faciəvi qəza ilə nəticələnə bilərdi.

Qeyd edək ki, həmin sürücü kobud şəkildə manevr qaydalarını pozduğu üçün İnzibati Xətalar Məcəlləsinin 327.1-ci maddəsinə əsasən 40 manat məbləğində cərimə olunmalıdır.

Məhəbbət Tərlanoğlu