Velosiped zolaqlarını parkinqə çevirən sürücüləri siz də tanıyın - VİDEO

Paytaxtda velosiped zolağını zəbt edən avtomobillər görüntülənib.

Avtosfer.az xəbər verir ki, velosipedlər üçün ayrılmış zolaqda bir neçə avtomobil parklanaraq velosiped sürücülərinin və skuterçilərin hərəkətinə maneə yaradıblar. Azərbaycan Yerüstü Nəqliyyat Agentliyinin (AYNA) əməkdaşları yerdə zolağın təyinatını əks etdirən nişanlarla yanaşı, əlavə məlumat zolaqlarını da çəkirlər. Velosiped zolağının üzərinə çəkilən boya bu zolaqda velosipedçilərin və skuterçilərin hərəkət üstünlüyünə malik olduqlarını bildirir. Lakin bəzi sürücülər ya zolağın əhəmiyyətini anlamır ya da qaydaları heçə sayırlar.

Qeyd edək ki, velosipedçilər üçün çəkilmiş zolaqları zəbt edən sürücülərin hər biri İnzibati Xətalar Məcəlləsinin “nişanın tələbinin pozulması” maddəsinə əsasən 40 manat məbləğində cərimə olunmalıdır.

Məhhəbbət Tərlanoğlu