XAOS YARADAN sürücülər: Biri əks yola çıxıb təhlükə yaratdı, digəri maşını saxlayıb dava etdi - VİDEO

Bakının Sabunçu rayonunda qayda pozan sürücülər görüntülənib. 
Avtosfer.az-ın məlumatına görə, hadisə iyunun 5-də günorta saatlarında qeydə alınıb. Hərəkətdə olan 10-OX-410 dövlət nömrə nişanlı “Toyota Camry” markalı avtomobilin sürücüsü qoşa xəttin tələbini pozub və qəza riski yaradıb. Belə ki, o, əks istiqamətli yola çıxaraq “QAZ-3110” markalı maşını ötür. Bu zaman “QAZ” sürücüsü yaranmış təhlükəni dəf etmək üçün sağa manevr edir. Qayda pozan sürücü isə yenidən öz zolağına qayıdır. 
Hadisəni videoya çəkən moto sürücünün iddiasına görə, daha sonra 01-CH-883 dövlət nömrə nişanlı “Nissan” markalı və 77-YB-889 dövlət nömrə nişanlı “Changan” markalı avtomobillər arasında mübahisə baş verib. O bildirib ki, münaqişəyə səbəb “Nissan” sürücüsünün maşının işığını yandırıb-söndürməsi olub. Nəticədə “Changan”ın sürücüsü avtomobili anidən saxlayıb və onunla mübahisə edib. Bu zaman yolda sıxlıq yaranıb. 

Nərmin