Xeyirxah əməllə məşğul olarkən qaydaları pozan tanınmış aktyor cərimələnə bilər - VİDEO

Bakıda məşhur idmançı kobud şəkildə qayda pozub. Avtosfer.az xəbər verir ki, o, çəkdiyi videonu sosial şəbəkədə paylaşıb. Belə ki, "Land Rover" markalı avtomobilin sürücüsü, məşhur idmançı və aktyor Şükran Sultanov yolda hərəkətdə olarkən sükan arxasında imkansız bir şəxsə görüntülü zəng edərək ona yardım edəcəyini deyib. Lakin bu hərəkəti etməklə o həm özünü, həm də digər hərəkət iştirakçılarının həyatını təhlükə altında qoyub. O həm də təhlükəsizlik kəmərindən də istifadə etməyib.

Məşhurlar adətən izləyicilər üçün nümünə olurlar. Xeyirxahlıqla yanaşı onun qayda pozan davranışları da izləyicilərə örnək ola bilər.

Yollarda baş verən qəzaların səbəblərindən biri də mobil telefondur. Sükan arxasında telefondan istifadə zamanı fikir yayındığı üçün qəza qaçılmaz olur. Çox təəssüf ki, sürücülər bəzən bunun əhəmiyyətinə varmırlar və ciddiliyini qəbul etmirlər. Qəza baş verəndə isə artıq hər şey gec olur.

Qeyd edək ki, Şükran Sultanov təhlükəsizlik kəmrindən istifadə etmədiyinə görə İnzibati Xətalar Məcəlləsinin müvafiq bəndinə əsasən 40 manat cərimə edilməlidir. Həmçinin, nəqliyyat vasitəsinin hərəkəti zamanı sürücünün telefonu əlində saxlamaqla ondan istifadə etməsinə görə 50 manat cərimə nəzərdə tutulur.

Leyla