Yasamalda səbirsiz sürücü "BMW"ni əks yola çıxarıb qəza riski yaratdı - VİDEO

Paytaxtın Yasamal rayonu Mikayıl Müşfiq küçəsində kobud qayda pozan sürücü kameraya düşüb.
Avtosfer.az-ın məlumatına görə, hadisə mayın 19-da saat 15:49 radələrində qeydə alınıb. Hərəkətdə olan 99-ML-022 dövlət nömrə nişanlı “BMW X5” markalı avtomobilin sürücüsü əks istiqamətli yola çıxıb. Belə ki, qırmızı işıqda dayanan nəqliyyat vasitələrindən fərqli olaraq o, avtomobili qoşa xəttin üzəriylə sürərək axına qarşı hərəkət edir. Bu zaman qarşı tərəfdəki hərəkət iştirakçılarına qəza riski yaradır.
Qeyd edək ki, bu xəta, İnzibati Xətalar Məcəlləsinin 327.4-cü maddəsinə əsasən, 4 bal 150 manat cəriməylə nəticələnir.

Nərmin