Yasamalda sürücü maşını öncə sıxışdırdı, sonra qarşısına keçib təhlükə yaratdı - VİDEO

Paytaxtın Yasamal rayonu, Kənar Dairəvi yolunda qayda pozan sürücü kameraya düşüb.

Avtosfer.az-ın məlumatına görə, hadisə mayın 25-də saat 17:50 radələrində qeydə alınıb. Belə ki, 77-RE-512 dövlət nömrə nişanlı “Hyundai” markalı avtomobilin sürücüsü manevr qaydasını pozub. Videodan da göründüyü kimi, o, sol zolaqda hərəkətdə olan maşına əhəmiyyət vermədən sağa manevr edib. Qayda pozan şəxs öncə görüntünü qeydə alan sürücünü sıxışdırıb və onun qarşısına keçərək qəzq şəraiti yaradıb. Xoşbəxtlikdən təhlükəylə üz-üzə qalan sürücü ehtiyatlı davranıb və ona siqnal verib. 

Bəzi sürücülər dönmə işığını yandıraraq istənilən situasiyada manevr edə biləcəklərini zənn edirlər. Hətta həmin zolaqda maşının olub-olmaması da qeyd etdiyimiz sürücülər üçün önəm daşımır.

Nərmin