Yaşayış zonasında “avtoşluq” edən sürücü HƏBS OLUNDU - RƏSMİ - VİDEO

Sabunçu rayonu Maştağa qəsəbəsində avtoxuliqanlıq edərək özünü videoya çəkən və sosial şəbəkə hesabında paylaşan sürücü yol polisi tərəfindən müəyyən olunub. 

Avtosfer.az-ın məlumatına görə, 90-MS-496 dövlət nömrə nişanlı “VAZ-2104” markalı avtomobilin sürücüsü Əmir Firdovsi oğlu Orucov Sabunçu rayon Dövlət Yol Polisi Şöbəsinin əməkdaşları tərəfindən saxlanılıb.

Sürücü barəsində Azərbaycan Respublikasının İnzibati Xətalar Məcəlləsinin müvafiq maddəsinə əsasən, protokol tərtib edilərək baxılması üçün Sabunçu rayon Məhkəməsinə göndərilib. Məhkəmə tərəfindən sürücü Orucov Əmir 15 gün müddətində inzibati qaydada həbs edilməklə 1 il müddətinə sürücülük hüququndan məhrum edilib.

Qeyd edək ki, qayda pozan sürücüylə bağlı bir gün öncə saytımızda xəbər dərc olunub. Belə ki, o yaşayış ərazisində sürət həddini aşaraq əhalinin dincliyini nümayişkəranə şəkildə pozub “avtoşluq” etmişdi. 

Nərmin