Yaşayış zonasında “avtoş”luq edən sürücü təhlükə yaratdı - 99-TE-511 - VİDEO

Abşeron rayonu Xırdalan şəhərində avtoxuliqanlıq edən sürücü görüntülənib.
Avtosfer.az-ın məlumatına görə, hadisə bir neçə gün əvvəl axşam saatlarında qeydə alınıb. Hərəkətdə olan 99-TE-511 dövlət nömrə nişanlı “Samand SE” markalı avtomobilin sürücüsü yaşayış zonasında təhlükəli manevrlər edib. Belə ki, o, yoldan keçən piyada və nəqliyyat vasitəsinə əhəmiyyət vermədən “drift şou”su göstərir. Eyni zamanda sürət həddini aşan sürücü avtomobilin təkərlərini asfalta sürtərək  səs çıxarır və ictimai asayişi pozur. 
Qeyd edək ki, sürücünün  hərəkəti İnzibati Xətalar Məcəlləsinin 511.1-ci maddəsi ilə qiymətləndirilə bilər. Videonu təqdim edirik:

Nərmin