Yol istəyən sürücülərə görə maşının arxasına "göz çıxaran" işıqlar quraşdırdı - VİDEO

Avtomobilin konstruksiyasına qanunsuz müdaxilə edən sürücü özünü sosial şəbəkədə ifşa edib. Avtosfer.az xəbər verir ki, 77-FQ-528 qeydiyyat nişanlı "Ford" markalı avtomobilin sürücüsü geriyə hərəkət işıqlarını dəyişərək normativ tələbləri pozan işıqlar quraşdırıb. Qeydə alınmış videodan da aydın şəkildə görünür ki, geriyə hərəkət işıqları ətrafı ön faralar səviyyəsində işıqlandırıb. Bu isə qanunvericiliyə ziddir. Çünki geriyə hərəkət işıqları qoşulu olan zaman arxadan gələn sürücülərin gözlərini qamaşdıra bilər.

Geriyə hərəkət işıqları yalnız müəyyən səviyyədə işıqlandırma təmin etməlidir və onların əsas funksiyası arxadan gələn nəqliyyat vasitələrinə avtomobilin geriyə hərəkət etdiyini bildirməkdir.

Sürücü bu işıq cihazlarını arxadan gəlib yol istəyən sürücülərə görə quraşdırdığını bildirib.

Fərid