Yol polisi əməkdaşı sürücünü bu ərazilərdə dayandıra bilərmi? - QAYDALAR - FOTO

Bakıda yol polisi əməkdaşı qayda pozan sürücünü məsuliyyətə cəlb edən zaman özü də qayda pozub. Bu barədə oxuculardan biri hadisə anını qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə paytaxtın Parlament prospektində baş verib. Belə ki, polis əməkdaşı sürücünü dayandıran zaman piyada keçidinin üzərində saxlayıb. Bu cür hallarla bağlı qanunvericilik nə deyir?

Qeyd edək ki, dayanma-durmanın qadağan edildiyi yerlərdə, hərəkətə maneə yaranan ərazilərdə yol polisi əməkdaşının sürücünü dayandırmasına qanunvericilik icazə vermir. Sürücüyə "saxla" işarəsi verən zaman onu elə yerdə dayandırmalıdır ki, hərəkət iştirakçılarına maneə yaranmasın və "Yol hərəkəti haqqında" qanunun digər tələbləri pozulmasın. Bu görüntüdəki yol polisi əməkdaşı dayanma-durma qaydasını pozduğu üçün kənardan baxan insanlara pis nümunə olub. Hadisəni qeydə alan oxucu polis əməkdaşının bu hərəkətini irad kimi qəbul edir və tamamilə də haqlıdır. Hesab edirik ki, yol patrul xidməti əməkdaşları sürücülərin yol hərəkəti qaydalarını pozduğunu aşkarlayanda, onların dayandırılması zamanı bu cür məqamlara diqqət edərlər.

Leyla