Yol Polisi İdarəsinin qarşısında “oyun çıxaran” sürücü: “Sağ-sol” edir, əks yola çıxır, sarı işıqda keçir.. - VİDEO

Bakı küçələrində avtoxuliqanlıq edən sürücü özünü videoya çəkərək sosial şəbəkə hesabında paylaşıb.
Avtosfer.az-ın məlumatına görə, 10-MS-924 dövlət nömrə nişanlı  “Tofaş” markalı avtomobilin sürücüsü yolda “avtoş şou”su göstərib. Belə ki, o, Səbail rayon Dövlət Yol Polisi İdarəsinin önündə təhlükəli manevrlər edərək zolaqdan-zolağa keçid edib. Digər görüntüdə isə “sağ-sol” edən sürücü  əks istiqamətli yola çıxaraq ani manevrlə yenidən qarşı tərəfə keçib. Həmçinin “şou”suna başı qarışan sürücü işıqforun sarı işığına əhəmiyyət vermədən yoluna davam edib. “Avtoş” sürücü, avtomobilin loqosunu da “Porsche”nin loqosuyla əvəz edib. 
Xatırladaq ki, sürücünün törətdiyi qayda pozuntusu İnzibati Xətalar Məcəlləsinin 511.1-ci maddəsilə qiymətləndirilə bilər.“Yol hərəkəti haqqında” Konvensiyaya görə, loqonun çıxarılması və ya digər markaya aid loqo ilə əvəz olunması qanunsuz hesab olunur. Bu əməl, markanın dəyişdirilməsi kimi qiymətləndirilir. Qanunvericiliyə görə, bu xətanı törətmiş sürücüləri 150 manat məbləğində cərimə gözləyir.

Nərmin