Yola baxmayan taksi sürücüsü az qalsın “Prado”nu vuracaqdı - ANBAAN VİDEO

Abşeron rayonu, Masazır qəsəbəsi, Əliağa Vahid küçəsində qayda pozan sürücü anbaan kameraya düşüb.

Bu barədə izləyicilərdən biri Avtosfer.az-ın “Whatsapp” ünvanına videomaterial göndərib. Hadisə mayın 30-da saat 19:18 radələrində qeydə alınıb. Belə ki, taksi fəaliyyətiylə məşğul olan 90-PF-318 dövlət nömrə nişanlı “Chevrolet” markalı avtomobilin sürücüsü yola baxmadan hərəkətə başlayıb. Bu vaxt o, arxadan gələn “Toyota Prado” markalı avtomobilə qəza şəraiti yaradıb. Xoşbəxtlikdən sürücü təhlükəni vaxtında görərək sola manevr edib. İzləyicinin sözlərinə görə, sözügedən sürücü bir müddət sonra sola dönmə işığını yandıraraq anidən sağa manevr edib. 

Sürücü qəsəbədə bu cür halların tez-tez baş verdiyini bildirib. O, xüsusilə “manatlıq” taksilərin kobud qayda pozuntularına yol verdiyini əlavə edib. 

Nərmin