Yolayrıcına yaxınlaşan zaman bu cür dayansanız qəza baş verə bilər - AÇIQLAMA - VİDEO

Bəzi sürücülər yolayrıclarına yaxınlaşan zaman stop-xəttinə yaxın gedirlər, yaxud ondan qarşıda dayanırlar. Bu halda sağ və ya soldan dönən avtomobillərlə toqquşma riski yaranır. Xüsusilə iri həcmli nəqliyyat vasitələri yolu dönərkən qəza təhlükəsi ikiqat artır.

Avtosfer.az xəbər verir ki, bununla bağlı qəza əleyhinə kursların məşqçisi Aqil Rəhimov sosial şəbəkə hesabında paylaşım edib. O bildirib ki, yolayrıcına yaxınlaşarkən stop-xəttindən bir neçə metr arxada dayanmaq lazımdır: “Yolayrıcına yaxınlaşarkən stop-xəttiylə 2-3 metr məsafə saxlamalıyıq. Diqqətlə fikir verin avtobus bizim yola necə daxil olur. Əgər stop xəttinə çox yaxın məsafədə dayansaydıq avtobus maşınımızı vura bilərdi. Bu qaydaya əməl etmək bizi bu tipli qəzalardan qoruyacaq”.

Nərmin