Yolayrıcını düzgün keçə bilməyən avtobus sürücüsü əks yola çıxıb maneə yaratdı - VİDEO

Xırdalan şəhərində yol hərəkəti qaydasını pozan avtobus sürücüsü kameraya düşüb. Avtosfer.az xəbər verir ki, hadisə Mehdi Hüseynzadə küçəsilə Heydər Əliyev prospektinin kəsişməsində qeydə alınıb. Belə ki, 505 saylı marşrut xətti üzrə fəaliyyət göstərən 50-AE-470 qeydiyyat nişanlı avtobusun sürücüsü sola düzgün şəkildə dönməyib. O, qarşıdan avtomobillərin gəldiyini görsə də əks istiqamətə çıxaraq sola dönüb. Bu zaman üstünlüyə malik olan avtomobillərə maneə yaradıb.

Qeyd edək ki, bu qayda pozuntusuna görə, sürücü İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə oluna bilər.

Fərid