Yolda "avtoşluq" edən sürücü insanları təhlükə altında qoydu - VİDEO

Bakıda yol hərəkəti qaydalarını mütəmadi şəkildə pozan sürücünün videosu kameraya düşüb. Avtosfer.az xəbər verir ki, hadisə aprelin 1-də, paytaxtın Binəqədi-Mehdiabad şossesində baş verib. Belə ki, 50-DD-933 qeydiyyat nişanlı "Hyundai" markalı avtomobilin sürücüsü yol boyu təhlükəli qayda pozuntuları edib. Videogörüntüdən də aydın şəkildə görünür ki, əks istiqamətli hərəkət zolağına çıxaraq ötmə qaydasını pozan sürücü qarşıdan gələn avtomobili yoldan kənara çıxmağa məcbur edib. Daha sonra isə sağdan ötmə edərək svetoforun qırmızı işığında keçib.

Cəmiyyətə açıqca hörmətsizlik ifadə edən, yol hərəkəti qaydalarının davamlı olaraq pozulması ilə müşayiət olunan qərəzli hərəkətlərə yol verən sürücünün videosunu təqdim edirik: