Yolda “hoqqa” verən gənclər: Sürücü maşını sürə-sürə yerini sərnişinlə dəyişdi - VİDEO

Yolda təhlükəli hərəkətlər nümayiş etdirən gənclərin videosu sosial şəbəkədə geniş yayılıb. 
Avtosfer.az xəbər verir ki, hadisə bir müddət əvvəl axşam saatlarında qeydə alınıb. Görüntüdən aydın olduğu kimi, sürücü, “BMW” markalı avtomobili idarə etdiyi zaman yerini anidən yan oturacaqdakı sərnişinlə dəyişib. Belə ki, sükan arxasına keçən sərnişin kobud qayda pozmağa davam edib. O, sürət həddini aşaraq digər hərəkət iştirakçılarını ötüb. 
Qeyd edək ki, sürücü törətdiyi qayda pozuntularını mütəmadi olaraq “TikTok” sosial platformasında paylaşır. Təsadüfi deyil ki, qeydə alınmış əksər yol qəzalarına bu tip sürücülərin məsuliyyətsiz və təhlükə saçan davranışları səbəb olur.

Nərmin