Yolda uşağının ölümünü görmək istəməyənlər mütləq buna diqqət etməlidir - VİDEO

Bakıda piyadanın hərəkətləri anbaan kameraya düşüb. Avtosfer.az xəbər verir ki, hadisə paytaxtın ağ şəhər bulvarında baş verib. Belə ki, yeniyətmə qız yolu nəzərdə tutulmayan yerdən keçərək dairəyə doğru qaçıb. Bu zaman motosiklet sürücüsünün qarşısına çıxaraq həyatını təhlükəyə atıb.

Qeyd edək ki, azyaşlıların iştirakı ilə baş verən piyada vurma hadisələrinin əksəriyyəti məhz bu cür məsuliyyətsizlik və bilgisizlikdən irəli gəlir. Yol hərəkətinin ən zəif iştirakçıları olan azyaşlılara və yeniyetmələrə yol hərəkəti qaydalarının primitiv variantı mütəmadi öyrədilməlidir. Bunu hər bir valideyn evdə öz uşağına aşılamalıdır. Çox təəssüf hissi ilə bildirmək istəyirik ki, valideynlərin böyük əksəriyyəti bunu öz uşağına öyrətmir. Əksinə, onun yanında qaydanı pozaraq daha da pis nümunə olur.

Uşaqlarınızı sevirsinizsə, onların sağlam və təhlükəsiz böyüməsini istəyirsinizsə qaydalara əməl etməyi aşılamalısınız!

Könül