Yolu əks gedən "Prius" sürücüsünə 150 manat cərimə yazıldı - VİDEO

Zığ şossesində qaydaları kobud şəkildə pozan sürücü inzibati qaydada məsuliyyətə cəlb edilib. Avtosfer.az xəbər verir ki, 77-BC-213 qeydiyyat nişanlı "Toyota Prius" markalı avtomobilin sürücüsü sürətlə hərəkət edərək birtərəfli yola daxil olub. O, axına qarşı hərəkət edərək təhlükə yaradıb.

Qeydə alınmış görüntülər dərc olunduqdan sonra yol polisi sürücü ilə bağlı araşdırmaya başlayıb. Bakı şəhər Dövlət Yol Polisi İdarəsindən Avtosfer.az-a verilən məlumata görə, sürücü Əfəndiyev Eyyub Telman oğlu törətdiyi xətaya uyğun olaraq 4 bal 150 manat məbləğində cərimə olunub.

Leyla