Yolu qısaltmaq üçün dairəyə tərsinə girən sürücülərə qarşı tədbirlər görülür – VİDEO

Paytaxtın Balaxanı dairəsi, Böyükşor küçəsi ilə kəsişmədə bəzi sürücülər qaydaları pozaraq həm sıxlığa, həm də çaşqınlığa səbəb olurlar.

Avtosfer.az xəbər verir ki, bu barədə görüntülər sosial şəbəkələrdə yayılıb.

Belə ki, bəzi sürücülər növbə gözləməmək üçün giriş qadağandır nişanının tələbini pozaraq dairəyə daxil olmadan geriyə manevr edir. Nəticədə sıxlıq yaranır. Həmçinin bu vəziyyət digər sürücülər arasında narazılıq və çaşqınlığa səbəb olur.

Sabunçu rayon Dövlət Yol Polisi Şöbəsinin əməkdaşları ərazini nəzarətə götürüb və qayda pozan sürücülər aşkar olunaraq cərimələnib. Görülən tədbirlər nəticəsində sıxlıq aradan qalıdırlıb, normal hərəkət təmin edilib. 

Məhəbbət Tərlanoğlu