Zaur Baxışəliyev qayda pozdu – “İnstaqram”da canlı da açdı - VİDEO

Tanınmış teleaparıcı Zaur Baxışəliyev avtomobil idarə edərkən yol-hərəkəti qaydalarını pozub.

Avtosfer.az xəbər verir ki, hadisə “Gənclik Mall”ın qarşısında qeydə alınıb. Belə ki, sükan arxasında olan teleaparıcı “İnstaqram”da canlı yayım açıb. Ətrafı göstərmək üçün telefon əlində avtomobil idarə edib. Həmçinin yolun ortasında anidən dayanaraq qəza şəraiti yaradıb. Ümumiyyətlə sükan arxasında canlı yayım açmaq nə dərəcədə düzgündür?

Məşhurlar adətən izləyiciləri üçün örnək olur. Bu səbəbdən teleaparıcının davranışları da izləyicilərinə pis örnək ola bilər.

Qeyd edək ki, Zaur Baxışəliyev İnzibati Xətalar Məcəlləsinin 342.6-cı maddəsinə əsasən, nəqliyyat vasitəsinin hərəkəti zamanı sürücünün telefonu əlində saxlamaqla ondan istifadə etməsinə görə 50 manat məbləğində cərimə olunmalıdır.

Məhəbbət Tərlanoğlu