Ziya Bünyadov prospektində sıxlığı yaradan belə sürücülərdir - VİDEO

Bakıda manevr qaydasını pozan sürücü digər sürücünün əsəbiləri ilə oynayıb. Avtosfer.az xəbər verir ki, hadisə yanvarın 6-da, paytaxtın Ziya Bünyadov prospektində baş verib. Belə ki, 10-XH-693 qeydiyyat nişanlı "Mercedes" markalı avtomobilin sürücüsü körpünün üzərinə qalxacağı halda sağ zolaqla hərəkət edib. O, sol zolaqda sıxlığa düşməmək üçün bu hərəkətə yol verib. Bu zaman görüntünü qeydə alan sürücüyə təhlükə yaradıb. Lakin düşünmür ki, həmin nöqtədə sıxlığı məhz bu qayda pozuntusunu törədən sürücülər yaradır. Qeyd edək ki, sürücülər sağdan sola manevr edərək axının qarşısını kəsirlər. Bu səbəbdən də yolda sıxlıq yaranır. Və həmin düşüncədə olan sürücülər sıxlıqda qalamamaq üçün sağ zolaqlarla hərəkət edib eyni əməli törədirlər.

Fərid