Azərbaycanda ölümə aparan yol - VİDEO

Uzun müddətdir bərbad vəziyyətə düşən Ələt-Astar magistralının Masallının Binəxocavar kəndindən keçən hissəsi sürücülərin kabusuna çevrilib. Anspress-in verdiyi məlumata görə, burada ani təcrübəsizlik ağır qəzaların baş verməsinə səbəb ola bilər. Yolun bir hissəsinin dağılması sürücüləri qarşıdan gələn avtomobillərin hərəkət zolağına çıxmasına vadar edir. Təbii ki, bu yol hərəkəti haqqınada qanunun pozulması ilə yanşı, sürücülərin həyatını da təhlükə ilə üz-üzə qoyur. Mənzilbaşına çatmaqdan ötrü sürücülər bu yolu qət eləməyə məcbur qalırlar.

Qeyd edək ki, mövcud yol 1978-ci ildə inşa olunub. O vaxtdan bəri müxtəlif vaxtlarda yolda cari təmir işləri aparılsa da, nəticə göz qabağındadır. 41 saylı Masallı Yol İstismar Sahəsinin mühəndisi Məmmədağa Dadaşov yolun bərbad vəziyyətə düşməsində iri tonajlı yük avtomobillərini günhalandırıb. “Yeni ipək yolunu tikintisilə əlaqədar olaraq Viləşçay hövzəsindən götürülən çınqıl-daş məhz Ələt-Astra magistralının sözügedən hissəsilə daşınır. Bu da yolun tez bir zamanda dağılmasına gətirib çıxarır”, - deyə Məmmədağa Dadaşov bildirib. Qurum rəsmisi əlavə edib ki, dəfələrlə tikintini reallaşdıran şirkətə xəbərdarlıq edilməsinə baxmayaraq, onlar buna məhəl qoymayıblar.