Benzin bahalaşacaq? - AÇIQLAMA

Son vaxtlar kütləvi informasiya vasitələrində və sosial şəbəkələrdə yanacaq qiymətlərinin artımı ilə bağlı xəbərlər dolaşır. Rusiyada baş verən benzin böhranı isə bu məsələni daha da ciddiləşdirməkdədir. 

Avtosfer.az xəbər verir ki, mövzu ilə bağlı "yenisabah"a danışan iqtisadçı-ekspert Toğrul Vəliyev bildirib ki, Rusiyanın benzin ixracına qadağa qoyulması ölkəmizdə bir sıra problemlər yarada bilər:

“Tarif Şurası öz verdiyi qərara əsasən yığışır və bunun hansısa konkret qrafiki yoxdur. Bir problem var ki, biz benzinin bir hissəsini Rusiyadan idxal edirik. Rusiyada isə hazırda benzinlə bağlı ciddi problemlər var. Kreml avqustun sonuna qədər benzinin ixracına qadağa qoyub. Əlbəttə, bu müvəqqəti olaraq, bir sıra problemlər yarada bilər. Məsələ burasındadır ki, Tarif Şurası yalnız 1 növ benzinin qiymətini tənzimləyir. “Ai-92”nin qiymətinin artıb-azalması isə Neft Emalı Zavodundan asılıdır. SOCAR qiymət artımı ilə müraciət etsə, əlbəttə ki, qiymət arta bilər. Bu barədə İqtisadiyyat Nazirliyi özü təklif verə bilər yaxud SOCAR özü düşünə bilər. Ancaq konkret nəsə demək çətindir”.