Bu yol dünyanın ən uzun avtomobil yoludur - FOTO

Dünyanın maraqlı yolları sisiləsindən növbəti məlumatımız Pan-Amerikan şose yolu (Pan-American Highway) barədədir. Avtosfer.az xəbər verir ki, Ginnesin Rekordlar Kitabına əsasən, bu yol dünyanın ən uzun avtomobil yoludur. Onun uzunluğu 47958 kilometrdir. Yolun tikilməsi ideyası 1923-cü ildə irəli sürülüb. Alyaskanın şimalında Prudo-Bey qəsəbəsindən başlayaraq Şimali və Cənubi Amerikanı başdan-başa keçən bu yol Argentinanın cənubunda Uşuayya şəhərində başa çatır. Bu yol Amerika qitəsindəki xeyli dövlətlərin paytaxtlarından keçməklə əlverişli nəqliyyat şəbəkəsi yaradır. Onun ayrı-ayrı sahələri səhralardan, rütubətli cəngəlliklərdən, tropik bataqlıqlardan, qarlı dağ aşırımlarından keçərək maraqlı mənzərə yaradır. Yolun bəzi sahələri qarlı qış aylarında və tropik yağışlar sezonunda keçilməz olur.

Nurlan