DƏHŞƏT! Ata maşını cızan oğlunun barmaqlarını qopardı

Türkiyə mediasında maraqlı və ibrətamiz xəbər yayılıb. Avtosfer.az-ın məlumatına görə, xəbərin mahiyyəti bəzən valideynlərin özlərinin də dərk etmədən övladlarına qarşı kobudluğuna və zorakılığına qarşı bir mesajdır. Mesajın başlığı belədir; İnsan sevilmək üçündür. 

- Kişi yeni aldığı maşınını yuyarkən 6 yaşlı oğlu yerdən daş götürüb maşının üzərini cızmağa başlayıb. Bunu görən ata, maşını təzə olduğu üçün oğluna bərk qəzəblənir və uşağın əlinə çoxlu vurur. Xəstəxanaya aparılan uşağın əlindəki sümüklər qırıldığından barmaqlarını kəsməli olurlar. Əməliyyatdan sonra uşaq üzgün olan atasını görüncə «ata, təzə barmaqlarım nə vaxt çıxacaq?» - deyə soruşur. Cavab verə bilməyən ata maşının yanına gedib, başını maşına cırpır. Həmin an oğlunun cızdıgı yazını görür: "Ata, səni çox sevirəm!».

Qəzəb və sevgidə sərhəd yoxdur. Hər zaman gözəl bir həyata sahib olmaq üçün sevgini seçin. Unutmayın, əşyalar istifadə üçün yaradılıb. İnsanlar isə sevilmək üçün.

Fidan