Eyni sürücünü həm Şimalda, həm Cənubda radara salan yol polisi

Eyni bir sürücünün bir dəfə planetimizin Şimal yarımkürəsində, ikinci dəfə isə Cənub yarımkürəsində eyni bir yol polisi əməkdaşının radarına düşməsi bir qədər inanılmaz görünsə də, belə bir hadisə olub. Avtosfer.az-ın məlumatına görə, Yeni Zelandiya polisinin əməkdaşı Flitton bir nəfər sürücünü sürət rejimini pozduğuna görə saxlayır. Qayda pozuntusu sənədləşdirilərkən sürücü ondan soruşur ki, siz Londonda xidmət etməmisiniz? Flittonun “əvvəllər Londonda xidmət edirdim” cavbından sonra sürücü ona 2 il əvvəl London ətrafında sürət həddini pozduğuna görə cərimə yazdığını xatırladır. Flitton da bu əhvalatı xatırlayır, amma öz vəzifəsini də lazımınca icra edir: onun radarına ikinci dəfə, özü də bu dəfə Cənub yarımkürəsində düşən sürücünü 120 Yeni Zelandiya dolları (təxminən 80 ABŞ dolları) məbləğində cərimələyir.

Nurlan