Keçmiş rəisdən təklif: «Yol polislərinin sayı azaldılsın»

Keçmiş polis rəisi, hal-hazırda Almaniyada yaşayan Azərbaycan Miqrasiya Mərkəzinin rəhbəri Əlövsət Əliyev bu gün Ziyalılar Birliyinin sədri, Milli Şura üzvü Eldəniz Quliyevin üzləşdiyi polis özbaşınalığına görə daxili işlər naziri Ramil Usubova etdiyi müraciəti Moderator.az-a şərh edib: "Bizdə yol hərəkəti təhlükəsizliyinin təmin olunması üçün intellektual idarətmə sisteminə keçilməsi istiqamətində islahatlar aparılır. Bunun üçün yollarda çoxsaylı çəkiliş aparan kameralar yerləşdirilir və dövlət büdcəsindən buna böyük məbləğdə vəsait ayrılır. Hesab edirəm ki, bunun müqabilində yol polisi əməkdaşlarının sayı sürətlə azalmalıdır. Yəni intellektual idarəetmə yol polisi əməkdaşlarının sayının azalması ilə nəticələnməlidir. Yol polisləri ilə sürücülərin canlı təmasının azaldılmasına yönələn islahatlar sürətlənərsə belə biabırçılıqların sayı azalar. Bunu əsaslandırılmış təhlillə DIN rəhbərliyinin diqqətinə catdırmaq lazımdır ki, büdcədən bu qədər texnikaya pul ayrılırsa ştatlar azalmalıdır».