Metro bağlı, avtobus işləmir, taksini də bağladıq, bəs sonra? – Ekspert

“Nazirlər Kabineti yanında Operativ Qərargahın həftə sonları taksi fəaliyyətini də qadağan etməsi çox gülüncdür". Avtosfer.az xəbər verir ki, bunu yol hərəkəti üzrə ekspert Elməddin Muradlı deyib. O bildirib ki, polis, prokurorluq, hərbi sahə, kommunal sahə, zəruri ehtiyac obyektləri, marketlər, apteklər və jurnalistlər işləyəcək. “Axı bu qərarı qəbul edənlər niyə anlamır ki, bu sahədə çalışanların hamısının şəxsi avtomobili yoxdur? Məgər bütün polislərin maşını var? Bütün jurnalistlərin maşını var? Metro bağlı, avtobus işləmir, taksini də bağladıq. Bəs sonra? Bu camaat necə olacaq?”.
Elməddin Muradlı bidirib ki, üzərində hansısa taksi şirkətinin emblemini gəzdirən taksi sürücüsü tutaq ki, həftə sonu ailəsini harasa aparsa tutub cərimə yazacaqlar? “Axı bunun hüquqi forması da yoxdur. Yol polisi bütün maşınları saxlayıb yoxlamalıdır ki, görsün taksidir ya yox? Vallah çox biabırçı qərardır. Təsəvvür edin ki, sizi təyyarədə girov götürürlər. Sonra isə azad edirlər və təyyarədən yerə atırlar ki, get yaşa. Amma paraşüt vermirlər. Bizim Operativ Qərargahın qərarı da təxminən buna bənzəyir.

Onsuz da taksi sürücüləri hansısa yolla işləyəcək. Kiminsə də onları saxlayıb yoxlaması, hansısa cərimə yazması mümkün deyil. O zaman nəyə lazım idi bu mənasız qərar?”.

Orxan