Nəqliyyat dayanır, insanlar əziyyət çəkir - Meqapolislər istidə altında boğulur

ABŞ-ın şimal-şərqində yerləşən iri şəhərlər iyunun 24-də anormal istilərin təsiri altına düşüb. Sinoptiklərə görə, bu çərşənbə axşamı, ötən həftənin sonundan bəri davam edən uzunmüddətli istilər dalğasının ən yüksək nöqtəsi olub. Temperaturun 25–26 iyun tarixlərində tədricən enəcəyi gözlənilir. Avtosfer.az xəbər verir ki, bu barədə "Reuters" məlumat yayıb. Vaşinqton və Boston şəhərlərində havanın temperaturu +38 °C-yə çata bilər – bu, əvvəlki maksimum göstəricidən 6 dərəcə yüksəkdir. Nyu-Yorkun Mərkəzi Parkında isə göstəricilər +37 °C-ə yüksələcək ki, bu da əvvəlki +35,5 °C rekordunu keçəcək. İstilik dalğası eyni zamanda Virciniya, Merilend, Pensilvaniya, Karolina və şimali Corciya ərazilərini də əhatə edir.

Nəqliyyat və turizm sahəsində çətinliklər

Şiddətli istilər səbəbindən:

* Sürətli qatarların hərəkətində məhdudiyyətlər tətbiq edilib – şirkətlər relslərin əyilmə riskinə görə qatarların sürətini azaldıblar;

* Vaşinqton Abidəsi kimi məşhur turistik məkanlar müvəqqəti bağlanıb;

* Tikinti şirkətləri əməkdaşlarını günvurmadan qorumaq üçün iş qrafiklərini dəyişməyə başlayıblar.

İqlim kənd təsərrüfatına da zərbə vurur

Yalnız ABŞ-da deyil, Kanadanın Saskaçevan əyalətində də anomal istilər və quraqlıq kanola və buğda əkinlərinə ciddi ziyan vurub. Gec yağan yağışlar artıq vəziyyəti dəyişə bilmir. Maraqlıdır ki, meşə yanğınlarından yaranan tüstü, müəyyən mənada bitkiləri yandırıcı günəşdən qismən qoruyub.

"İstilik qübbəsi" ölkəni bürüyüb

Mütəxəssislər qeyd edirlər ki, ölkə ərazisində havada yaranan "istilik qübbəsi” temperaturun yüksəlməsinə səbəb olub. Bu, yüksək atmosfer təzyiqi zonasıdır, hansı ki, sərin havanı bloklayır və gecələr belə temperaturun enməsinə imkan vermir. Sinoptiklər iyunun 27-si (cümə axşamı) Nyu-Yorkda havanın +29 °C-yə, 28-i (cümə günü) isə +24 °C-yə qədər enəcəyini proqnozlaşdırır – bu isə bölgə sakinləri üçün gözlənilən rahatlıq deməkdir (Qaynarinfo).