Paytaxt küçələrində qardan sonra yaşananlar: Sakinlər danışdı - VİDEO

Qarlı-şaxtalı hava ilə bağlı Bakı yollarında yaşanan vəziyyət barədə son məlumatlar çatdırılıb.

Avtosfer.az “BakuTV”yə istinadən xəbər verir ki, paytaxtın Həsən Əliyev küçəsində şəhərin digər istiqamətləri ilə müqayisədə yollar daha çox buz bağlayıb.

Vurğulanıb ki, metronun "20 Yanvar" stansiyası ətrafında da intensiv qar yağıb.

Yolun hərəkət hissəsində hər hansı problem qeydə alınmasa da, səkilərdə vəziyyət ürəkaçan deyil.

Qeyd edilib ki, Bakı Dairəvi yolunda da avtomobillə hərəkət etmək xüsusilə çətindir və sürücülər bu istiqamətdə hərəkət edərkən diqqətli olmalıdırlar. Sakinlər də hava şəraiti ilə əlaqədar çətinlik yaşadıqlarını bildiriblər.

"Hər tərəf qardır. Sumqayıtdan bir saat yarıma gəlib çatmışam", - deyə sakin söyləyib.

Daha ətraflı videomaterialda: