Sabah oruc tutulmalıdır? - AÇIQLAMA

Azərbaycanın bütün məscidlərində sabah - martın 30-da Ramazan bayramı münasibətilə bayram namazları qılınacaq. Bununla bağlı Qafqaz Müsəlmanları İdarəsi (QMİ) məlumat yayıb.

Hər il Ramazan ayında bayramın sabah, yoxsa birigün olması fikri müzakirələr yaradır. Bu ildə eyni mövzu ətrafında müzakirələr davam edib.

Bəs oruc tutan insanlar martın 30-da namazadək oruc tutmalıdırlar, yoxsa 29-da yekunlaşdırırlar?

Avtosfer.az xəbər verir ki, mövzu ilə bağlı "Bakıvaxtı.az"a açıqlama verən Qafqaz Müsəlmanları İdarəsinin sədrinin müavini Hacı Fuad Nurullayev bildirib ki, oruc tutan insan bayramın olduğunu dəqiqləşdirdikdən sonra oruc tuta bilməz:

“Bayram günü oruc tutmaq haramdır. Bayram namazına gedən insan yeməyini yeməli, buna da iftar etmək deyilir, daha sonra bayram namazına qatılmalıdır. Allah bayramımızı mübarək etsin!”