Sosial şəbəkələrdə “avtoş”luğu təbliğ edənləri ağır cəzalar gözləyir – VİDEO
Yazarlar 24 Aprel 2020 01:03 Oxunub 1446
Sosial şəbəkələrdə “avtoş”luğu təbliğ edənləri ağır cəzalar gözləyir – VİDEO
Onlar üçün polis nəzarəti altında xüsusi məkanlar yaradılmasına ehtiyac var

"Son zamanlar sosial şəbəkələrdə, xüsusən də instagramda qanun pozuntuları ilə müşahidə olunan “avtoavaralığın” (avtoxuliqanlıq) təbliğatı geniş vüsət alıb. Bu da bir çox xoşagəlməz hadisələrlə, qəzalarla nəticələnir. Hətta artıq dövlət qeydiyyat nömrələrini gizlətməkdən belə çəkinmirlər. Bu qədər hadisələrin, qəzaların olmasına baxmayaraq, bunların etdiyi qanun pozuntusu əlaməti olan videoları paylaşaraq təbliğatını aparırlar."

Bunu Avtosfer.az-a nəqliyyat eksperti Natiq Nazimoğlu deyib. Onun sözlərinə görə, bu cür hərəkətləri bəzi insanlar da dəstəkləyir. "Mövcud qanunvericilikdə olan cəza tədbirlərindən çəkinmirlər. Düzdür, polis orqanları bunlara qarşı mübarizə aparır, ancaq onların sayı azalmaqdansa təəssüf ki, artır. Polisin yol mədəniyyəti və ən əsası, təhlükəsizlik baxımından “avtoş”luğa qarşı bu cür tədbirlərinin davamlı olmasını dəstəkləyirəm."

Ekspert deyir ki, bu insanlar həm də həvəskardır. "Bəziləri avtomobildə etdiyi yenilikləri nümayiş etdirmək istəyir. Onların istəklərini nəzərə alaraq bunun üçün lap polis nəzarəti altında xüsusi məkanlar yaradılsa, pis olmazdı. Dünyanın qabaqcıl ölkələrində avtomobil həvəskarları üçün bu cür məkanlar yaradılıb. Ümidvaram ki, bizdə də bu cür şərait yaradılar. Belə məkanlar yaradılsa, düşünürəm ki, yollarda baş verən hadisələr, qəzalar nisbətən azalar."

Natiq Nazimoğlu yollarda digər yol hərəkət iştirakçılarına qarşı diqqətli, nəzakətli və ən əsası da, ehtiyatlı olmağa çağırıb. "Valideynlərin sizləri böyüdənədək hansı əziyyətlərə qatlandığını düşünün. Unutmayın ki, ətrafınızda olan insanları da valideyn böyüdür və sizin kimi onları da gözləyən var! Allah hər kəsə can əmanət edib, bu canı qorumaq hər kəsin borcudur. Və hər kəsin həyatda yaşamaq haqqı var!"

Gültən

 

ŞƏRH YAZ
Ad

E-mail

Şərh