Sükan arxasında olmaq hansı xəstəlikləri doğurur?

Avtomobildən müntəzəm və ifrat istifadə insan səhhəti üçün zərərlidir. 

Avtosfer.az xəbər verir ki, bu qənaətə rus kardioloq, elmlər doktoru İvan Stepanenko gəlib.
Dokor bildirir ki, uzun müddət sükan arxasında olmaq azhərəkətli, passiv həyat tərzi formalaşdırır. Bu da çəkinin və arterial təzyiqin artması ilə nəticələnir. Bura yol hərəkətindəki stres, qeyri-müntəzəm iş qrafiki və ayaqüstü qidalanma da əlavə edildikdə alınan mənzərə heç də ürəkaçan olmur. 
Stepanenkonun sözlərinə görə, uzun müddət sükan arxasında olanlarda hipertoniya və ürəyin işemik xəstəliyinin yaranması ehtimalı çox yüksəkdir. Məsələn, Braziliyada uzaq yol sürücülərinin yarıdan çoxu hipertoniyadan əziyyət çəkir. Əhalinin digər hissəsində isə bu xəstəlkiyə az rast gəlinir. 
Lakin riskləri minimuma endirmək mümkündür: bunun üçün sükan arxasında saatlarla oturmamaq, vaxtaşırı dayanaraq yüngül idman hərəkətləri etmək, ən əsası isə düzgün qidalanmaq lazımdır. Sükan arxasında düz oturmaq, oturacağı düz tənzmimləmək və maşının salonunu təmiz saxlamaq da zəruridir. 
Bu tövsiyələr təkcə uzaq yol sürücülərinə deyil, şəxsi avtomobili ilə saatlarla dayanmadan hərəkət edənlərə də aiddir. Nəzərə almaq lazImdır ki, insan minik avtomobilində yer az olduğundan daha çox “qatlanır”.

Vüqar Yaşaroğlu