"Sürət və riskli manevrlər genişmiqyaslı faciəyə səbəb olur" - Ekspert
Yazarlar 5 May 2020 19:28 Oxunub 577
"Sürət və riskli manevrlər genişmiqyaslı faciəyə səbəb olur" - Ekspert
Ərşad Hüseynov Kürdəmirdəki ağır qəzadan yazdı

"Kürdəmirdə 6 nəfərin ölümü və 4 nəfərin yaralanması ilə baş verən faciəli qəza çox ağır hadisədir. Belə hadisələr planetdə nadir hallarda olduğunu görə dünya mediasına düşür." 
Avtosfer.az xəbər verir ki, bunu hüquqşünas Ərşad Hüseynov deyib. Onun sözlərinə görə, bu hadisə son illərin tipik bir problemini qabardır.

"Hadisə yol hərəkəti təhlükəsizliyinə ciddi nəzarətin - kameranın, radarın, daimi YPX naryadının olmadığı, son illərdə yüksək səviyyədə təmir edilən 2 zolaqlı yolda baş verib. Təfərrüatı bilməsək də, ağır nəticə toqquşma anında yüksək sürətdən xəbər verir."

Hüquqşünas qeyd edib ki, ölkəmizdə bu tipli yollar, yəni şüşə kimi kənd yolları və rayonlararası yollar artır. "Sürücülərə demək istəyirəm ki, yolun rahatlığından sui-istifadə etməsinlər. Eyni zamanda rahatlığına aldanmasınlar. Sürət həddini aşmaq, qadağan edilmiş və ya riskli manevrlər edən zaman ən cüzi səhv də belə miqyaslı faciəyə gətirə bilər. Rahat yollar bizi bir-birimizə daha tez çatdırmaq, mənzil başına yorulmadan gedib çıxmaq üçündür. Amma rahat yolda xırda səhv bizi həyatdan əbədi ayıra bilər."

 

Orxan

ŞƏRH YAZ
Ad

E-mail

Şərh