Sürücülərimiz nəzarət olmayan yerdə ölümə getməkdən çəkinmir - Elməddin Muradlı

Son bir həftədə işğaldan azad olunan ərazilərdə cəmi 2 yol qəzasında 6 nəfər ölüb, 4 yaralı var. Dəfələrlə demişəm, oralarda qayda-qanun işləmir, kim necə gəldi sürür. Yollar bərbad, nişan, nişanlanma xətləri yox səviyyəsindədir. Sürücülərə nəzarət olunmur, şirkətlər biraz pul xərcləyib nəqliyyat təhlükəsizliyini təmin etmir. Elə ordu sıralarında da durum eynidir. Hərbi maşınlar qəzaya düşür, əsgər və zabitlərimiz ölür.
Çox istərdim ki, dövlətimiz işğaldan azad olunan ərazilərdə yol terroruna dur desin və geniş bir layihə çərçivəsində təbliğat işi aparılsın.
Bir şeyi unutmayaq. Bizim sürücülər nəzarət olmayan yerdə ölümə getməkdən çəkinmir. Ciddi nəzarət lazımdır...

Elməddin Muradlı