![Bakıdakı yataqxanada rütubətdən ağac bitib: Qurumlardan reaksiya yoxdur - FOTO](/upload/news/small/2346349.png)
Velosiped kirayəsi tıxaclara son qoyacaq? - Proqnoz
![Velosiped kirayəsi tıxaclara son qoyacaq? - Proqnoz](/upload/news/1799702.jpg)
“Velosiped kirayəsi tıxacların qarşısını almayacaq”.
Avtosfer.az xəbər verir ki, nəqliyyat üzrə ekspert Elməddin Muradlı bunu TodayPress-ə açıqlamasında deyib.
Onun sözlərinə görə, mövcud proses sadəcə velosipedləri əhali üçün əlçatan edəcək:
“Velosiped kirayəsinin tıxacların qarşısını alacağı fikri doğru deyil. Tıxaca təsir göstərmək üçün yol şəbəkəsini inkişaf etdirmək, piyada keçidlərini, piyada səkilərini alverçilərdən, villalardan, dönərxanalardan alıb piyadalara qaytarmaq və avtobusların, metrostansiyaların sayını artırmaq lazımdır. Tıxacla mübarizəyə bunlar təsir göstərə bilər nəinki hansısa velosiped kirayəsi”.
Ekspert hesab edir ki, indi vətəndaşlarımızın velosipedə marağı olsa da, yağışlı, qarlı günlərdə onlardan istifadə edə bilməyəcəklər. Bu səbəbdən velosiped kirayəsi o qədər də effektiv olmayacaq.
Qeyd edək ki, Bakı şəhərində ilk “bike-sharing” (velosiped kirayəsi) xidməti fəaliyyətə başlayıb.