Yataqxanada, kirayədə yaşayır, işləmir, amma maşın arzusundadır

Son vaxtlar hökumət ölkəmizə gətirilən minik avtomobillərinin sayını məhdudlaşdırmaq üçün müxtəlif tədbirlərə əl atır. Amma bu tədbirlər vətəndaşların istəyinin tam tərsinədir. Yəni orta statistik Azərbaycan vətəndaşının ən vacib arzularından biri şəxsi avtomobil əldə etməkdir. Bəziləri yataqxanada, kirayə tutduğu mənzildə yaşasa da, normal bir işi olmasa da, maşın arzusundadır. Hətta ən riskli kredit şərtləri ilə avtomobil əldə edənlər də var.

Vətəndaşımızın bu arzusunu alovlandıran əsas səbəb yenə də ictimai nəqliyyatdakı bərbad vəziyyətdir. Əksər insanlar ictimai nəqliyyatın təhlükəli və yararsız xidmətindən can qurtarmaq üçün hər cür riskə getməyə hazırdır. Əminəm ki, ictimai nəqliyyatın problemlərini köklü şəkildə həll etsək, ölkəyə gətirilən maşınların sayı da azalmağa başlayar.

Ərşad Hüseynov,

yol hərəkəti üzrə ekspert