“Azəriqaz” özü mavi yanacağın tərkibinə hava vurur? - RƏSMİ AÇIQLAMA - VİDEO

Avtosfer TV 17 Noyabr 2021 13:04 Oxunub 676
“Azəriqaz” özü mavi yanacağın tərkibinə hava vurur? - RƏSMİ AÇIQLAMA  - VİDEO
WhatsApp kanalımıza abunə ola bilərsiniz

Sosial şəbəkələrdə yayılan daha bir videodan məlum olur ki, Qaz İstismar idarəsinin işçiləri mavi yanacağın tərkibinə hava vururlar. 

Demokrat.az
 xəbər verir ki, “Azəriqaz” İstehsalat Birliyi əməkdaşları tərəfindən evlərə gedən qaz xətlərinə hava vurulması ilə bağlı dəfələrlə şikayətlər olub. Lakin görünən odur ki, bu cür problemləri yaratmaqla vətəndaşları narazı salmaq istəyən şəxslər var. 

Adətən boruya hava vurduqda qaz sayğacları da işlək vəziyyətdə olur. Belədə, “Azəriqaz” abonentlərin cibinə girmiş olur. yəni, insanlar istifadə etmədiyi mavi yanacağa görə ödəniş etməyə məcbur qalırlar.

AAYDA-nın mətbuat katibi Anar Nəcəfli Avtosfer.az-a bildirib ki, ötən gün sosial şəbəkələrdə Ucar rayonunda 22N-li Yol İstismarı MMC-ə məxsus kompressor qurğusu ilə təchiz edilmiş maşın tərəfindən yeraltı qaz xəttinə hava vurulması ilə bağlı dövlət qurumlarına qarşı insanlarda mənfi fikir formalaşdıran dəqiqləşdirilməmiş video paylaşılıb.

Rəsmi olaraq bildiririk ki, sözügedən maşın Ucar rayon Qaz İstismar idarəsinin müraciəti əsasında, yeraltı qaz xəttinə yığılan suyun kompressor vasitəsi ilə çıxarılması və qaz təchizatının təmin olunmasına kömək məqsədi ilə sözügedən əraziyə cəlb edilib.

Vətəndaşlardan xahiş edirik ki, bu cür dəqiqləşdirilməmiş məlumatlara inanmasınlar.

Bildirmək istəyirik ki, cəmiyyət arasında çaşqınlıq yaradan qərəzli və böhtan xarakterli məlumatların paylaşılması yolverilməzdir. Bu cür fəaliyyət qanuna ziddir və hüquqi məsuliyyət doğurur.


Haqqında danışdığımız şikayət videosunu təqdim edirik:

 

ŞƏRH YAZ
Ad

E-mail

Şərh