Bakı-Qazax yolunda "90-lıq yolda 86 ilə radara düşən" sürücü ilə bağlı DİN-dən AÇIQLAMA - VİDEO

Sosial şəbəkələrdə Ağstafa rayon sakini Turan Nağıyevin özünə məxsus “Mercedes-Benz” markalı avtomobil ilə Bakı-Qazax-Gürcüstan avtomagistralının 453-cü kilometrliyində maskimal sürət həddinin 90 km/saat olduğu halda 86 km/saat sürətlə hərəkətdə olduğu zaman cərimə olunması ilə bağlı kütləvi informasiya vasitələrində xəbər yayılıb. Məsələ ilə bağlı Daxili İşlər Nazirliyinin (DİN) mətbuat xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov Avtosfer.az-ın sorğusuna cavab olaraq bildirib ki, polis əməkdaşları vətəndaşın iştirakı ilə həmin əraziyə baxış keçirib, müvafiq araşdırmalar aparıblar. Araşdırmaların nəticəsində həmin ərazidə maksimal hərəkət sürətinin saatda 90 km deyil, 60 km olması müəyyən edilib və bu barədə vətəndaşla profilkatiki söhbət aparılıb. Araşdırmanın nəticəsindən razı qalan T. Nağıyev hər hansı bir şikayətinin olmadığını qeyd edərək polis əməkdaşlarına təşəkkürünü bildirib.

Təbriz