Bakıda "avtoş" qəza törətdi: maşını atıb qaçdı - VİDEO

Avtosfer TV 1 Dekabr 2021 22:27 Oxunub 6650
Bakıda "avtoş" qəza törətdi:  maşını atıb qaçdı  - VİDEO
WhatsApp kanalımıza abunə ola bilərsiniz

Bakının "islah olmayan" "avtoşu" yenidən meydana çıxıb. 90 OP 027 dövlət nömrə nişanlı, VAZ 21 07 markalı avtomobilin sürücüsü bu dəfə paytaxtın Babək prospektində qəza törədib. Noyabrın 26-da avtoxuliqanlıq hərəkətləri edən zaman yol-nəqliyyat hadisəsi baş verib.  Sürücü avtomobili hadisə yerində ataraq qaçıb. 
Qeyd edək ki, bu sürücü barəsində dəfələrlə şikayətlər olub.
Əsasən gecə saatlarında avtoxuliqanlıq edir. Musiqiyə yüksək səs verərək avtomobil ilə təhlükəli manevrlər edir. Həmçinin dəfələrlə digər sürücüləri təhlükəyə atır. Belə ki, əks yola çıxaraq yüksək sürətlə digər maşınları çaşdırır. Sürücü bütün bu hərəkətlərini çəkərək "Instagram" hesabında yerləşdirir. Həmçinin hesabında içki, narkotik kimi zərərli vərdişləri təbliğ edir. 
Avtosfer.az bildirir ki, dəfələrlə yol polisi tərəfindən saxlanılaraq inzibati qaydada cərimə olunsa, həbs edilsə, sürücülük hüququ məhdudlaşdırılsa da sürücü islah olmur. 
Həmçinin yol polisi tərəfindən saxlanılan zaman lezva çıxardaraq özünə xəsarət yetirir. Artıq o həddə çatıb ki, insanlar bu şəxsin əlindən təngə gəlib. Əslən Ağcabədi rayonundan olan Zahir adlı bu şəxs öz əməllərindən əl çəkmək istəmir. Əksinə hər dəfə cərimə olunduqdan sonra avtomobildə yenidən konstruksiya dəyişikliyi edir, daha kobud şəkildə qaydaları pozur. Görünür ki, inzibati həbs və cərimələr bu şəxsə təsir etmir. Yəqin ki, hüquq mühafizə orqanları bu şəxs barəsində daha ciddi şəkildə ölçü götürməlidir. Çünki vaxtında qarşısı alınmazsa ağır nəticələrə səbəb ola bilər. Sürücünün törətdiyi əməllərdən ibarət videomaterialı təqdim edirik:

Fərid

ŞƏRH YAZ
Ad

E-mail

Şərh