Gədəbəy və Şəkinin bərbad yolları; məmurlar pulu talayıb, yollar dağılıb - VİDEO

Sosial şəbəkələrdə Gədəbəy və Şəki rayonlarından olan görüntülər yayılıb. Videolarda yolların bərbad vəziyyətdə olması əksini tapır. Avtosfer.az xəbər verir ki, birinci video Şəkidə çəkilib. Elgiz Şərəfxanlının paylaşdığı videoda qeyd olunur ki, Şəkiyə gedən əsas yolun 30 km-i bərbad vəziyyətdədir və sürücülər həmin yolda əziyyət çəkirlər.

Digər videonu isə keçmiş millət vəkili, iqtisadçı Nazim Bəydəmirli paylaşıb. Gədəbəyin Şınıx kəndindən çəkilən videoda Nazim Bəydəmirıi bildirir ki, bu yolun tikintisinin 2-ci Dövlət Proqramına salınmasında onun da rolu olub. Lakin Gədəbəy rayon İcra Hamiyyətinin başçısı ilə Azərbaycan Avtomobil Yolları Dövlət Agentliyinin rəhbərliyi əlbir olaraq tender yolu ilə bu yolu çox keyfiyyətsiz tikdiriblər. Belə ki, asfaltın altına tökülən qat yol təmir olunub başa çatandan 1 il sonra çöküb və yolun 30 faizi sıradan çıxıb. Sonra isə yolu yamamağa başlasalar da, bərbad hala düşüb.

Elmin