Qayda pozan sürücüyə 40 manat əvəzinə 3 bal 60 manat cərimə yazıldı - FOTO

Yol polisi tərəfindən sürücüyə yazılmış elektron qərar narazılıq yaradıb. Sürücü Avtosfer.az-a müraciətində bildirib ki, idarə etdiyi 99-SK-743 qeydiyyat nişanlı "Opel" markalı avtomobillə Lökbatan qəsəbəsində yerləşən "Meyvəli" bazarının yaxınlığında təhlükəsizlik adacığının üzəri ilə hərəkət etdiyi üçün onun barəsində 3 bal 60 manat məbləğində cərimə tətbiq edilib. Təqdim olunan fotolardan da görünür ki, əks yola çıxmadığı halda ona 327.2-ci maddənin cəriməsi tətbiq edilib.

Qeyd edək ki, təhlükəsizlik adacığının üzəri ilə hərəkət etmək 327.2-ci maddə ilə yox, 327.1-ci maddə ilə məsuliyyət yaradır. Onun cəriməsi isə 40 manatdır.

Sürücü Dövlət Yol Polisi İdarəsinin rəhbərliyindən düzgün yazılmayan protokolun ləğv olunmasını xahiş edir.

Fərid