Naxçıvanın bəzi əraziləri qazsız qaldı

Bu gün Naxçıvanın iki yaşayış məntəqəsində təmir-quraşdırma işləri ilə əlaqədar qaz təchizatında müvəqqəti fasilə yaranacaq.

Avtosfer.az xəbər verir ki, bu barədə Naxçıvan Regional Qaz İstismarı İdarəsi məlumat yayıb.

Məlumata görə, təmir-quraşdırma işləri ilə əlaqədar bu gün saat 10:00-dan etibarən Kəngərli rayonunun Qıvraq qəsəbəsinin qaz təchizatında müvəqqəti fasilə yaranıb.

Bundan əlavə, saat 14:30-dan etibarən Naxçıvan şəhərinin Qaraçuq kəndinin qaz təchizatında da işlər yekunlaşanadək fasilə olacaq.

Qazın verilişinin təmir-quraşdırma işləri başa çatdıqdan sonra bərpa ediləcəyi bildirilib.